Göygöl rayonunda gecə saatlarında əsən güclü külək yaşayış evlərindən birinin daş hasarını aşırıb.
“Report”un Qərb bürosunun məlumatına görə, nəticədə yerli sakin Abbasov Araz Çingiz oğluna məxsus “VAZ-2114” markalı minik avtomobili uçulan hasar daşlarının altında qalıb.
Avtomobilə ciddi ziyan dəyib. Sürücü həmin zaman maşında olmadığı üçün xəsarət almayıb.
Rayon ərazisində küləkli hava şəraiti davam edir.
