Gürcüstanın Acarıstan Muxtar Respublikasının Keda rayonunda səhər saatlarında ağır yol qəzası baş verib.
AvtoReyd.Az APA-nın Gürcüstan bürosunun məlumatına əsasən bildirir ki, Batumi-Axaltsixe avtomagistralında “Mercedes” markalı minik və yük avtomobili bir-birinə çırpılıb. Nəticədə minik avtomobilində olan 5 nəfər hadisə yerində ölüb.
Qəza səbəbindən avtomagistralda nəqliyyatın hərəkətində məhdudiyyət yaranıb.
Gürcüstanın Daxili İşlər Nazirliyi faktla bağlı istintaq aparır.
