Naftalan-Goranboy avtomagistralında yol-nəqliyyat hadisəsi baş verib.
“Report”un Qərb bürosunun məlumatına görə, qəza Goranboy rayonunun Qızılhacılı ərazisində qeydə alınıb.
Belə ki, 1957-ci il təvəllüdlü, Elxan Məmmədovun idarə etdiyi “Mazda” markalı avtomobil hərəkətdə olan zaman idarəetmədən çıxaraq aşıb. Nəticədə sürücü və daha iki nəfər – sürücünün qızı və nəvəsi müxtəlif bədən xəsarətləri alıb. Onlar Goranboy Rayon Mərkəzi Xəstəxanasına yerləşdirilib.
Faktla bağlı araşdırma aparılır.