Gəncə şəhərində zəncirvari yol qəzası baş verib.
AvtoReyd.Az “Report”a istinadən məlumat verir ki, şəhərin Nəriman Nərimanov prospektinə gedən yolda, “köhnə avtovağzal” deyilən ərazidə “Mazda”, “Mercedes” və iki “VAZ-2107” markalı avtomobil toqquşub.
Qəza zamanı zərbənin gücündən “Mazda” markalı avtomobil idarəetmədən çıxaraq aşıb.
Hadisə nəticəsində bir neçə nəfər yaralanıb. Zərərçəkmişlər şəhərdə yerləşən özəl və dövlət xəstəxanalarına aparılıblar.
Qəzanın səbəbləri araşdırılır.