Kürdəmirdə yol-nəqliyyat hadisəsi baş verib.
AvtoReyd.Az «Report»a istinadən xəbər verir ki, hadisə Ağsu-Kürdəmir-İmişli yolunun Kürdəmir rayonunun Sor Sor kəndindən keçən hissəsində qeydə alınıb.
Belə ki, İmişli rayon sakini, 1966-cı il təvəllüdlü Kərimov Abbas Kərim oğlunun idarə etdiyi «Mercedes» markalı avtomobil Kürdəmir rayon sakini, 1983-cü il təvəllüdlü Piriyev Ceyhun Sabir oğlunun idarə etdiyi «Nissan» markalı avtomobillə toqquşub. Nəticədə «Mercedes» markalı avtomobildə olan 3 sərnişin hadisə yerindəcə dünyasını dəyişib. Digər 4 sərnişin isə ağır bədən xəsarətləri alıb.
«Nissan» markalı avtomobilin azyaşlı sərnişini — 2 yaşlı Piriyev Sabir Ceyhun oğlu xəstəxanada vəfat edib, sərnişinlərin diqərləri ağır bədən xəsarətləri alaraq Kürdəmir Rayon Mərkəzi Xəstəxanasına çatdırılıb.
Hadisə nəticəsində ölənlərin sayı 5 nəfərə çatıb.
Faktla bağlı araşdırma aparılır.
