Gəncədə 3 nəfərin xəsarət alması ilə nəticələnən yol qəzası baş verib.
AvtoReyd.Az APA-ya istinadən verdiyi məlumata görə, hadisə şəhərin qərb çıxışında qeydə alınıb.
Hərəkətdə olan iki “VAZ” markalı avtomobilin toqquşması nəticəsində 3 nəfər Şəmkir rayon sakinləri, 1993-cü il təvəllüdlü Mirməmmədov Rəşad, 1988-ci il təvəllüdlü Cəfərzadə Vaqif və 1993-cü il təvəllüdlü Hüseynov Natiq müxtəlif bədən xəsarətləri alaraq xəstəxanaya yerləşdiriliblər. Onlara tibbi yardım göstərilib.
Faktla bağlı hüquq mühafizə orqanları tərəfindən araşdırma aparılır.
