Lənkəran rayonunda baş verən avtomobil qəzasında iki nəfər xəsarət alıb.
AvtoReyd.Az “Report”a istinadən məlumat verir ki, hadisə Ələt-Astara magistralının rayonun Şiləvar kəndindən keçən hissəsində baş verib.
Belə ki, “VAZ-2104” markalı 42-BK-296 dövlət qeydiyyat nişanlı avtomobil Ələt istiqamətində hərəkətdə olarkən idarəetməni itirib və yolun kənarında dayanmış “Mercedes” markalı 99-XR-296 dövlət qeydiyyat nişanlı avtomobillə toqquşub. Nəticədə “VAZ-2104” hərəkət istiqamətini dəyişərək yol kənarındakı elektrik dirəyinə çırpılıb.
Qəza nəticəsində Lənkəran rayonu Xarxatan kənd sakinləri – “VAZ-2104″ün sürücüsü 1940-cı il təvəllüdlü Məmmədov Məhərrəm Ruzi oğlu və sərnişini 1968-ci ildə anadan olmuş Məmmədova Əntiqə Möhübbət qızı müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
