Ağsu rayonunda ağır yol qəzası baş verib.
“Report” Daxili İşlər Nazirliyinə istinadən xəbər verir ki, hadisə sentyabrın 16-da saat 20 radələrində rayonun Daşdəmirbəyli kəndi ərazisində qeydə alınıb.
Belə ki, Ağsu rayonunun Cəlayır kənd sakini Habil Usubovun idarə etdiyi “VAZ-21011” və Lerik rayon sakini Hidayət Nuriyevin idarə etdiyi “Mitsubishi” markalı avtomobillər toqquşub.
Nəticədə H.Usubov və 3 sərnişini, habelə H.Nuriyev və 1 sərnişini xəstəxanaya yerləşdirilib, sərnişinlərdən Əlifağa Məmmədov orada ölüb.
Ağsu rayon Polis şöbəsi tərəfindən araşdırma aparılır.