Lənkəranda minik və yük avtomobillərinin toqquşması nəticəsində 1 nəfər ölüb.
AvtoReyd.Az “Report”a istinadən xəbər verir ki, yol-nəqliyyat hadisəsi Gərmətük kəndində baş verib. “Mercedes” markalı minik avtomobili eyni istiqamətdə hərəkət edən “QAZ-52” markalı avtomobil ilə toqquşub. Maşınlar zərbənin təsirindən aşıblar.
Qəza nəticəsində “QAZ-52″nin sürücüsü Türkəkəran kənd sakini, 1993-cü il təvəllüdlü Tahirov Hakim Mübariz oğlu hadisə yerində vəfat edib, sərnişini 1964-cü il təvəllüdlü Nurullayev Ehtiram Nahid oğlu isə ağır yaralanıb. Yaralı ilə birgə digər avtomobilin sürücüsü Siyavar kənd sakini, 1978-ci il təvəllüdlü Quliyev Rasim Adət oğlu da Lənkəran Rayon Mərkəzi Xəstəxanasına çatdırılıb.
İlkin məlumata görə, qəzaya yük avtomobilinin dönmə əməliyyatını qəfildən yerinə yetirməsi səbəb olub.
Faktla bağlı araşdırma aparılır.
