Masallıda bir nəfərin xəsarət alması ilə nəticələn yol-nəqliyyat hadisəsi baş verib.
APA-nın verdiyi məlumata görə, hadisə Masallı-Boradigah yolunun Bədəlan kəndi ərazisindən keçən hissəsində olub.
“Opel” markalı 90 BG 265 dövlət nömrə nişanlı avtomobil VAZ-2106 15 BV 998 dövlət nömrə nişanlı avtomobillə toqquşub. Qəza nəticəsində sürücülərdən biri yüngül xəsarət alıb, avtomobillər isə yararsız hala düşüb.
Faktla bağlı araşdırma aparılır.
