Şamaxıda yol-nəliyyat hadisəsi baş verib.
AvtoReyd.Az “Report”a istinadən xəbər verir ki, hadisə Şamaxı-Pirqulu yolunun Məlhəm kəndi yaxınlığındakı hissəsində qeydə alınıb.
Hərəkətdə olan “VAZ-2104” markalı avtomobil idarəetmədən çıxıb. Nəticədə avtomobil dərəyə yuvarlanıb. Hadisə nəticəsində şəxsiyyəti hələlik müəyyənləşdirilməyən 4 nəfər xəsarət alıb.
Hadisə zamanı 2000-ci il təvəllüdlü Şamaxı şəhər sakini Quliyev Elmar Eldəniz oğlu, 1996-cı il təvəllüdlü Qobustan rayon Təklə kənd sakini Alışov Samir Fuad oğlu, həmçinin 1997-cı il təvəllüdlü Sumqayıt şəhər sakini Mustafayeva Pakizə Ədalət qızı və 1999-cu il təvəllüdlü Qax rayon Tasmanlı kənd sakini Şitayeva Tavat Mehman qızı xəsarət alıb.
Yaralılardan bir oğlan və iki qızın vəziyyəti ağırdır.
