Ötən gecə Bakıda iki avtomobilin toqquşması yanğına səbəb olub. Hadisə metronun ”20-yanvar” stansiyası yaxınlığında qeydə alınıb.
Hadisə şahidlərinin sözlərinə görə, ”Mersedes” markalı minik avtomobili ”Vaz-2106” markalı avtomobillə toqquşıub. Güclü zərbə alan ”Vaz” markalı maşın bir qədər kənara gedərək yanmağa başlayıb. Dərhal ətrafda olan şahidlər avtomobildən sürücünü çıxarmağa çalışıblar. Amma buna baxmayaraq sürücü yanıq xəsarətləri alıb. O dərhal xəstəxanaya aparılıb. Əraziyə gələn yanğınsöndürənlər yanan maşını söndürüblər. Məlumata görə, avtomobil yanaraq tamamilə yararsız hala düşüb.
Faktla bağlı araşdırma aparılır.
